Socha nahi acha Bura!

Socha nahi acha Bura, Dekha Suna kuch bhi nahi,
Manga Khuda se  har Waqt, Tere siwa Kuch bhi nahi,

Dekha Tujhe Chaha tujhe, Socha Tujhe Pooja Tujhe,
Meri Wafa Meri Khata, Teri Khata kuch bhi nahi,

Jis per Hamari Aankh ne, Moti bichaye Raat bhar,
Bheja wohi Kagaz usey, Hum ne likha Kuch bhi nahi,

Aur Ek Shaam ki Dehleez par, Bethey rahe wo Der tak,
Aankhon se ki Batein bahut, Munh se kaha kuch bhi nahi,

Do-Chaar din ki Baat hai, Dil Khaak mai mil jayega,
Aag par jab Kagaz rakha, Baqi bacha Kuch bhi nahi!!!

-----------------------------------------------------------------

Talaash uss ki hai jis ko kabhi dekha bhi nahi
Khayal uss ka hai dil main jisay socha bhi nahi.

Khuda say apnay liyae iltija main kya karta
Talab hai uss ki hai jis ko kabhi maanga bhi nahi.

Sakoot-e-dil main ye ehsaas-e-zindagi kya hai ?
Qareeb paata hoon uss ko jisay chaha bhi nahi.

Qasaas mujh se woh kis kay lahoo ka maangtay hain
Woh khoon hai mere haatoo pay jo baha bhi nahi.

ilaaj mujh se bhi mumkin nahi mohabbat ka
Woh zakhm hai mere seenay pay jo saha bhi nahi!!!